بقلم : نورا طاهر .. طالبة بكلية الطب جامعة الإسكندرية الفرقة السادسة وزميلة وجدان وعبد الرحمن
الفرقة دى بتنافس بقوة فى المدونة .. وبيثبتولنا المثل اللى بيقول يا ما فى طب مظاليم
من زمان و انا عايزة اكتب عن تجربتى مع التعليم ف المدونة هنا .. النهاردة بعد الفجر و انا قاعدة بذاكر (أمراض النسا و التوليد) مااعرفش ليه افتكرت مادة الرمد بتاعة سنة رابعة .. و قررت اكتب عن حكايتى معاها ..
الفرقة دى بتنافس بقوة فى المدونة .. وبيثبتولنا المثل اللى بيقول يا ما فى طب مظاليم
من زمان و انا عايزة اكتب عن تجربتى مع التعليم ف المدونة هنا .. النهاردة بعد الفجر و انا قاعدة بذاكر (أمراض النسا و التوليد) مااعرفش ليه افتكرت مادة الرمد بتاعة سنة رابعة .. و قررت اكتب عن حكايتى معاها ..
الرمد
كانت اكتر مادة حبيتها ف الكلية ,, من عادتى مش بلتزم أوى بالمحاضرات . بتخنق م
الدكاترة و م الباوربوينت العقيم اللي بيبقوا عاملينه و اسلوبهم الممل اللي بينيّم
أو يطفّش من نص المحاضرة .
و
لأني كنت بحب الرمد , و بحب العيون ;) حضرت محاضرات
الرمد كلها و كنت بشيل الكتاب على قلبي كل يوم , كتاب أسود كبير عدد صفحاته 200
وحاجة و خطه منمنم قضى على بقايا النظر
اللي كانت عندي .. و كنت أكتب بقى ورا الدكاترة و أخطط ف الكتاب ع الحاجات المهمة
..
دكاتري
الافاضل طول الوقت بيهتموا أوى بشرح العمليات الجراحية بتاعة الرمد من أول ليه
بنعمل العملية لحد الخطوات و التكنيك و أدق أدق التفاصيل ,, لدرجة انهم كتّر خيرهم
كانوا بيجيبوا لنا فيديوهات للعمليات دي و يفرجونا عليها ف المحاضرة .
المفروض
انى هتخرج م الكلية G.P
يعني ممارس عام ,, هقعد ف الاستقبال او أي وحدة صحية ,,, فالمفروض حضرتك تعلمني
إزاي اكون ممارس عام كويس , أعالج الأعراض و أحوّل للطبيب المختص . و لمّا أبقى
اتخصص بقى أبقى أعرف تفاصيل التفاصيل عن تخصصي ..
لكن
انا هستفاد إيه لما و انا لسه ف سنة رابعة أعرف كل التفاصيل دي عن العمليات و
أذاكر الحالات المعقدة و الحالات النادرة ؟؟ و لما يجيللي عيان ف الاستقبال عنيه
حمرا ماعرفش أعالجه !!
المهم
حضرت محاضرات الرمد و ذاكرته .. ذاكرت الحاجات الصعبة و التفاصيل , ذاكرت العمليات ,, ذاكرت الكتاب كله اللي عدد
صفحاته 200 و حاجة و لونه أسووود و خطه منمنم .. كنت باقول انى هجيب ف الرمد جيد
جداً J
و
جه يوم الامتحان .. و إليكم عينة من الاسئلة اللي جاتلي ف امتحان آخر السنة
(مترجمة للعربي عشان كله يفهم) :
-
اذكر اسباب اتساع حدقة العين
-
اذكر اسباب احمرار العين
-
اذكر اسباب ان العين تبقى مدمّعة
-
ايه الاسعافات الأولية اللى تعملها لو جالك واحد اتكب على عينه مادة كيماوية
-
اذكر اسباب ارتخاء الجفن العلوي
واضح
جدا ان الدكتورة رئيسة القسم اللي حطت الامتحان كانت مقتنعة و مؤمنة جدا باللي
كنّا بنقوله : اننا لازم نتعلم الأساسيات و الحاجات المشهورة اللي هانشوفها ف
الاستقبال و ف الوحدة الصحية , لكن واضح
أيضاً الانفصال التام بين الناس اللي طول السنة بتدرّس لنا و بين واضع الامتحان .
أنا جبت ف الرمد مقبول بالعافية , عشان كنت مذاكرة كويس .
أنا جبت ف الرمد مقبول بالعافية , عشان كنت مذاكرة كويس .
ليست هناك تعليقات:
إرسال تعليق